Детское приложение

Цифрлық өнімдердің көмегімен ақшаны қалай үнемдеуге болады

28.11.2024

Бүгін біз қаржылық мақсаттар қою білу және оған қол жеткізу, оның ішінде ақша жинау үшін депозиттер, қосымшалардағы «жинақ қобдишалары» немесе автоматты бағдарламалар сияқты цифрлық құралдарды қалайша қолдануға болатыны жөнінде айтып береміз.

Депозиттер

Банк қосымшасында бір немесе бірнеше депозитті берден ашып, оларға атау беруге болады, мысалы, «велосипед сатып алуға», «саяхатқа» және т.б.

Депозитті тек кәмелеттік жасқа толған қазақстандықтар ғана аша алады. Балалар ата-аналарынан банктік салым ашып берулеріне көмек сұрай алады. Және де, мүмкіндігінше үнемделген ақшаны сол жерге аударған дұрыс. Бастысы — мұны жүйелі түрде істеп отыру қажет, сонда шоттағы сома да өседі. Табысқа жетудің басты шарты – тәртіп.

Депозитттің тағы бір түрі – белгілі бір мерзімге ашылатын және сол кезеңде ақша шешіп алуға болмайтын депозит. Сондай-ақ, толтырып отыруға болатын және төмендетілмейтін қалдыққа дейін ішінара шешіп алу мүмкіндігі бар депозиттер бар. Әдетте, оның мөлшері 1 мың теңге, алайда әртүрлі банктерде талаптар да әртүрлі, олар банктің салым шартында көрсетіледі. Ең дұрысы, ай сайынғы капиталдандыруы бар депозиттерді таңдау. Бұл жерде салым сомасына банк беретін пайыз қосылады. Ал келесі айда сыйақы банк есептеген пайыздарды қоса алғанда, барлық сомаға есептеледі.

✅Онлайн кестелер

Шығыс, кіріс және жинақ сомасы әр бағанда көрсетілген кесте көз алдыңызда тұрса, қаржыңызды басқару оңайырақ болады. Мысалы, бір жылда 100 мың теңге жинау үшін айына қанша ақша жинау керек екенін есептейтін кесте құру керек. Ол үшін компьютерде немесе смартфонда кесте жасайсыз. Ондағы әр айдың бағанында кірісіңіз (қалта қаражаты, туған күніңізге деп берген ақша, сатушы қайтарған қаржы) бен шығыныңыз (сыйлықтар, достарыңызбен кинотеатрға бару және т.б.) бар баған болуы керек. Яғни, сіздің кірістеріңіз бен шығыстарыңыздың арасындағы айырмашылық. Осылайша сіз қанша ақша үнемделгенін және қандай шығындарды қысқарту керек екенін көре аласыз.

✅ Балансты дөңгелектеу

Мұндай әдіс күн сайын ақша жинап, бірақ әр тиынды үнемдемей-ақ жинауға көмектеседі. Бұл әдіс балаларға арналған банк картасы барларға қолайлы. Ол үшін күн сайын картаңыздағы қалдықты тексеріп, сома дөңгелек болуы үшін ата-анаңыз ашқан депозитке белгілі бір соманы аударып отыруыңыз қажет. Сіз соманы ондыққа немесе жүздікке дейін дөңгелектей аласыз. Мысалы, картаңызда 5774 теңге болса, 774 теңгені анаңызға немесе әкеңізге депозитке салуы үшін аударуға болады. Әр жолы осылай. Салып отыратын сома көп емес, сәйкесінше бюджетіңізге көп әсер етпейді, бірақ сіздің жинағыңыз барған сайын ұлғая береді. Әсіресе депозит капитализациясы бар банкте болса, көбейеді.

✅ «52 апта» ойыны

Бұл челленджде нақты бір соманы күн сайын емес, аптасына бір рет салып отыруыңыз керек. Бұған ата-анаңызбен қатысқаныңыз дұрыс.

Сонымен, кесте сызыңыз, оған 52 ұяшық жасаңыз және депозитке апта сайын қанша ақша аударуға дайын екеніңізді жазыңыз. Мысалы, 100, 500, 1000 теңге немесе одан да көп. Сонымен, егер сіз 100 теңгеден саламын деп шешсеңіз, онда бірінші ұяшықта 100, екіншісінде 200 және әрі қарай өсу ретімен кете береді. Бір жылдан кейін сіз керек соманы жинап шығасыз. Әрине, ақшаны бұлай әрдайым жинап отыру мүмкін болмауы ықтимал. Сондықтан мүмкіндігіңізге қарай бір соманы бір аптада, екіншісін келесі аптада сала аласыз. Ең бастысы — мұны жүйелі түрде істеу.

Сөз соңында, өз шығындарыңызды бақылау үшін қолдануға болатын тағы бір әдісті айтайық. Ол 60-10-10-10-10 деп аталады. Оның мәні мынадай:

Табыстың 60%-ы негізгі шығындарға жұмсалады (тамақ, үйірмелердің төлемі және т.б.);

10%-ы тұрақты емес шығындарға кетеді (сыйлықтар, ірі сатып алу);

10%-ы ойын-сауық (кино мен театрға бару, ойын-сауық саябақтары және т.б.);

10%-ы жинауға (велосипед, жаңа гаджет, саяхат және т.б. үшін);

10%-ы ұзақ мерзімді жинаққа (оқу және басқалары).

Осы схеманы пайдаланып, өзіңіздің цифрлық «қобдишаңызды» жасай аласыз, ол депозит, онлайн-кесте, немесе қарапайым қағаз конверт болса да болады. Ақша жинау дағдысын неғұрлым тез меңгерсеңіз, үлкен зат сатып алуға қажет соманы жинау мүмкіндігі соғұрлым жоғары болады. Бұл сізге әрдайым ақшалы болуға және кез келген жағдайда өзіңізді сенімді сезінуге мүмкіндік береді.

Тізімге

Аптаның үздік жаңалықтары

13.07.2026

Зейнетақы жинақтары: соңғы кезде не өзгерді және бұл болашақ зейнетақыға қалай әсер етеді

15.07.2026

Қазақстандықтар қандай құралдарға инвестиция салады және қаражат салмас бұрын нені білу маңызды

21.01.2026

Автосақтандыру: 2026 жылдан бастап жүргізушілер үшін не өзгереді

2.04.2026

Қатесіз мұрагерлік: мүлкіңізді жоғалтпау үшін нені білу маңызды

13.02.2025

Қате ақша аударымы, не істеу керек: қадамдық нұсқаулық

18.01.2024

Мұрагерлік бойынша қарыздар мен міндеттемелер: сұрақтарға жауаптар