Жаңалықтар

Қаржылық сауаттылықты арттыру жөніндегі сараптамалық кеңес құрылды

29.11.2024

5769

Қаржылық сауаттылықты арттыру жөніндегі сараптамалық кеңес құрылды

Қазақстан Республикасының Қаржы нарығын реттеу және дамыту агенттігі (бұдан әрі – Агенттік) жанындағы Қаржылық сауаттылық жөніндегі сараптамалық кеңестің бірінші отырысы өтті.

Сараптамалық кеңестің басты міндеті – халықтың білімі мен дағдыларын жақсартуға бағытталған елдегі қаржылық сауаттылықты дамытудың стратегиялық бағыттарын әзірлеу және қаржылық сауаттылықты арттыру жөніндегі іс-шаралар мен материалдарға сараптамалық бағалауды қалыптастыру.

Сараптамалық кеңеске қаржы ұйымдарының, қоғамдық бірлестіктердің өкілдері, кәсіби экономистер мен қаржыгерлер, бұқаралық ақпарат құралдарының басшылары мен өкілдері, блогерлер мен пікір көшбасшылары кірді.

Отырыс барысында Fingramota.kz жобасының өкілдері қаржылық сауаттылық деңгейін әлеуметтанушылық зерттеу нәтижелері, негізгі үрдістер мен проблемалық мәселелер туралы айтып берді.

Сараптамалық кеңеске қатысушылар ақпараттық және білім беру жұмысын күшейту бойынша ұсыныстар, сондай-ақ жаңа құжат – Қаржылық сауаттылықты арттыру жөніндегі 2025-2028 жылдарға арналған жол картасына түзетулер енгізді.

Мәселен, сарапшылар ең қолайлы бейімделген білім беру және ақпараттық өнімдерді дайындау үшін ел халқын нақты аудиторияға бөлу қажеттілігін атап өтті.

Сондай-ақ, кросс-платформалық коммуникациялар және халықты ақпараттық материалдармен, әсіресе Қазақстан өңірлерінде қамтуды арттыру үшін барлық қатысушылардың жұмысын үйлестіру мәселесі шешуші мәселелердің бірі болып қала береді.

Fingramota.kz жобасының өкілдері барлық ұсыныстар қабылданып, іс-шаралар жоспарына енгізілетінін атап өтті.

Отырыс қорытындысы бойынша 2025 жылға арналған іс-шаралар жоспары, сарапшылармен кездесулер өткізу кезеңділігі және есептілікті қалыптастыру әзірленетін болады.

Жаңартуларды Fingramota.kz сайтынан қадағалаңыз.

Тізімге