Қаржы нарығын реттеу және дамыту агенттігі (бұдан әрі – ҚНРДА) мен Халықаралық көші-қон ұйымы (бұдан әрі – ХКҰ) өзара түсіністік мақсатында мигранттар үшін 2025-2027 жылдарға арналған қаржылық сауаттылықты дамыту бойынша іс-шаралар жоспарын әзірлеу туралы Меморандумға қол қойылды.

Осы Меморандумның бір бөлігі ретінде ҚНРДА және ХКҰ ішкі және сыртқы мигранттар үшін қаржылық сауаттылық науқанын әзірлеу және енгізу бойынша күш-жігерді біріктіреді. Ынтымақтастықтың негізгі мақсаттары мигранттар қоғамдастығының қаржылық сауаттылық деңгейін арттыру, оның ішінде қаржылық қызметтерді тұтынушылар ретінде олардың құқықтары мен міндеттерін түсіну арқылы, сондай-ақ қаржы ұйымдарының қызметтеріне қолжетімділікті кеңейту болып табылады. Тараптар «Орталық Азиядағы еңбек миграциясы» жобасы аясында жұмыс істеуге және қаржылық сауаттылықты арттыру саласында тиімді менеджмент жүйесін құруға келісті.

Халықаралық көші-қон ұйымы «Орталық Азияда реттелетін еңбек көші-қонына жәрдемдесу бағдарламасы» арқылы Швейцарияның Даму және ынтымақтастық жөніндегі бюросының (SDC) қолдауымен жобаны жүзеге асыруда, оның мақсаты – Орталық Азиядағы еңбек көші-қонын реттеуге жәрдемдесу, жұмыс берушілер мен еңбек нарығының қажеттіліктеріне жақсырақ жауап беру үшін еңбек көші-қонын басқаруды жетілдіру, бұл еңбекші-мигранттарды қорғауды қамтамасыз ету және шыққан және баратын елдердің дамуына әсер етуді күшейту. Еңбек мигранттарының қаржылық сауаттылығын арттыру жобаның негізгі құрамдас бөліктерінің бірі.

«Агенттік қаржылық сауаттылықты арттыру және Қазақстанда азаматтардың барлық санаттары үшін кедергісіз қаржылық орта құру мәселелеріне ерекше көңіл бөледі. Қаржылық инклюзияны дамыту БҰҰ тұжырымдаған тұрақты дамудың бірқатар мақсаттарына қол жеткізуге ықпал ететін маңызды факторлардың бірі болып табылады. Сонымен қатар, мигранттар қауымдастығының қаржылық қызметтерге қолжетімділігін кеңейту Қазақстандағы жұмыс орындарын құруға және экономикалық өсуге ықпал етеді», - деді Александр Терентьев, ҚНРДА Қаржылық қызметтерді тұтынушылардың құқықтарын қорғау департаментінің директоры.

  «ХКҰ және оның әріптестері қауіпсіз, реттелген және заңды көші-қон туралы Жаһандық шартқа, Қазақстанның орнықты даму мақсаттары мен көші-қон саясаты Тұжырымдамасына сәйкес келетін ұйымымызға қатысушы елдердегі еңбек көші-қонын басқаруды жетілдіруде маңызды рөл атқаратынын атап көрсетеді», - деп Орталық Азиядағы аймақтық ХКҰ Қазақстан жоба менеджері Ундраа Сурен атап өтті.

2020 жылдан бастап ҚНРДА 2020-2024 жылдарға арналған қаржылық сауаттылықты арттыру тұжырымдамасы және Қазақстан Республикасының 2030 жылға дейінгі қаржы секторын дамыту тұжырымдамасы аясында халықтың қаржылық мәдениетін арттыруға бағытталған іс-шараларды жүзеге асыруда.

Халықаралық көші-қон ұйымы (ХКҰ, ағылшын. The International Organization for Migration) 1951 жылы құрылды. Оны құрудың негізгі алғы шарты Еуропадағы мигранттардың үлкен ағынын реттеу қажеттілігі болды. Қазіргі уақытта 174 мемлекет ХКҰ-ға мүше.