КРЕДИТТІҢ ҚҰНЫН ҚАЛАЙ БАҒАЛАҒАН ЖӨН ЖӘНЕ КРЕДИТТІ ТАҢДАУ БАРЫСЫНДА НЕНІ   ЕСКЕРУ КЕРЕК!

Қандай ұсыныстың ең жақсы ұсыныс екенін білу үшін бізге кредит алуға қатысты шығыстар мен шығындарды есептеу қажет.

ШЫҒЫСТАР МЕН ШЫҒЫНДАРДЫ ҮШ ТОПҚА БӨЛУГЕ БОЛАДЫ:

Тікелей қаржылық шығыстар – кредитті пайдаланғанымыз үшін банкке төлейтін ақша. Оған жататындар: пайыздар, комиссиялар, кредит алумен байланысты банктің басқа да қызметтері үшін алынатын ақы.

Қосымша қаржылық шығыстар – кредит алуымыз үшін басқа ұйымдарға және тұлғаларға төлейтін ақша. Бұл қандай шығыстар? Мысалы – сақтандыру, нотариус, және т.с.с.

Қаржылық емес шығындар және олардың артықшылықтары – қарыз алу үшін жұмсайтын қымбат уақытымыз; банктің бізге деген қарым-қатынасы; өтеу кестесінің қажеттілігімізге сәйкес келуі және т.с.с.

ҮЗДІК КРЕДИТТІ ТАҢДАУ ҮШІН БІЗГЕ ӘРТҮРЛІ ҚАРЖЫ ҰЙЫМДАРЫНЫҢ ШАРТТАРЫ МЕН ШЫҒЫНДАРЫН БАҒАЛАУ ҚАЖЕТ.

 БҰЛ үшін әртүрлі екі қаржы институтының (ҚИ) шарттарымен танысуды ұсынамыз.

КЕСТЕДЕН КӨРЕТІНІМІЗ:

Тікелей қаржылық шығындарға әрдайым пайыздар қосылады;

Басқа шығындардың көлемі өзгереді: комиссиялар, банктің басқа да қызметтері үшін төлем;

Кредиттің нақты құнын анықтау үшін барлық тікелей шығындарды мұқият зерттеу керек;

Шарттары бірдей болған жағдайда, кредитті жылдам рәсімдейтін және қызметкерлері сыпайы қызмет көрсететін қаржы институтын таңдауға болады.

ҚАРЖЫ ШЫҒЫНДАРЫН ЕСЕПТЕГЕН КЕЗДЕ НЕНІ НАЗАРҒА АЛУ ҚАЖЕТ:

• сақтандыру, кепілді рәсімдеу және т.с.с. бойынша қосымша шығындар.
• қарызды рәсімдеуге жұмсалған уақыт – бұл уақытты кәсіпкер өз бизнесін жүргізуге жұмсар еді.
• кредитті рәсімдеуге кететін уақыт талап етілген құжаттардың санына байланысты болады – құжаттар неғұрлым аз болса, соғұрлым жақсы.
• қызметкерлердің қарым-қатынасы – кеңес алу және проблемалар туындаған жағдайда оларды шешу мүмкіндігіне ие болу үшін кредит жайлы толық және нақты ақпарат алу үшін маңызды.
• кредиттің тікелей қаржылық құнын дәл анықтау үшін екі түрлі ұсынысты салыстыру қажет. Кредиттің құны пайыздар мен басқа төлемдердің (комиссиялар, банктің міндетті ақылы қызметтері) сомасына тәуелді болатындықтан, кейде кредиттің нақты сомасын анықтау қиын. Бізге хабарлайтын пайыздық мөлшерлемелер айлық немесе жылдық болуы мүмкін.

Артық төлем сомасына қарап шешім шығару да дұрыс емес, себебі ол қарыздың берілу мерзіміне байланысты болады.

Тек «пайыз сомасына» қараған да дұрыс емес. Барлық факторларға жан-жақты назар аудару қажет: мерзім, комиссиялар, сақтандыру, банктің ақылы қызметтері, заң қызметтері. Міне, тиімді мөлшерлеме дегеніміз осылар.

ОСЫ ШЫТЫРМАН МӘСЕЛЕДЕ НЕНІ ЕСКЕРУ КЕРЕК?

Бұл үшін сыйақының жылдық тиімді мөлшерлемесін (СЖТМ) есептеу қажет. 

• Сыйақының жылдық тиімді мөлшерлемесі (СЖТМ) дегеніміз – банктің өз ақшасын бізге нақты қаншаға сататыны туралы ақпарат беретін әмбебап көрсеткіш.
• Қазіргі уақытта сыйақының жылдық тиімді мөлшерлемесі барлық қаржы ұйымдары үшін бірдей. СЖТМ дұрыс есептеу үшін ҚНРДА сайтында калькуляторды пайдалану ұсынылады.
• Бұл ретте өтеу тәсілін дұрыс көрсету (аннуитет, сараланған төлемдер, біркелкі емес төлемдер) және берілім күні мен сомасын дәл көрсету маңызды. 

СЖТМ – ӘРТҮРЛІ ДЕРЕККӨЗДЕРДЕН ҚАРЫЗ ҚАРАЖАТТАРЫНЫҢ НАҚТЫ ҚҰНЫН САЛЫСТЫРУ ҮШІН ПАЙДАЛЫ. 

Онлайн кредит беретін ұйымдардың ұсынысы

Қазіргі уақытта үйден шықпай алуға болатын онлайн кредиттер үлкен танымалдыққа ие. Сауалнаманы толтыру әдетте шамамен 15 минутты алады. Төлқұжат деректерін, тіркелген мекенжайын, тұрғылықты мекенжайын, жұмыс орнын және қызметін, ай сайынғы табысын, қолданыстағы/бұрын алған кредиттері туралы деректерді толтыру қажет болды. Келесі қадам – карта/шот нөмірі. Ақша дереу түседі. Артық төлем сомаға байланысты.

Онлайн кредиттің айқын артықшылығы жылдам рәсімдеу мен алу болып табылады, негізгі кемшілігі – әдеттегі банктерге қарағанда әлдеқайда жоғары пайыздар.