Фотогалерея

Алматыда қаржылық сауаттылық кабинеті ашылды

16.05.2025

Алматы экономикалық колледжінде ҚР Қаржы нарығын реттеу және дамыту агенттігінің Fingramota.kz жобасы аясында арнайы «Қаржылық сауаттылық» кабинеті ашылды.

Жоба Агенттіктің және серіктестері — KZI Bank пен Nomad Insurance сақтандыру компаниясының қолдауымен жүзеге асты.

Енді колледждің 1300-ден астам студенті жеке қаржыны, кредитті, инвестиция мен сақтандыруды басқару және киберқауіпсіздік саласындағы практикалық дағдыларды меңгере алады. Оқыту интерактивті форматта өтеді: іскерлік ойындар, мастер-класстар, кейстер мен қаржы саласының сарапшыларымен кездесулер арқылы жүзеге асады.

«Бұл — жастарға өмір бойы серік болатын білімге салынған инвестиция», — деді колледж директоры Қасымбек Ж.Т.

Аталған кабинет Fingramota.kz жобасының тұрақты алаңына айналып, студенттердің қаржылық дағдыларын нығайтуға және ақшамен жауапкершілікпен қарым-қатынас жасауға ықпал ететін болады.